Ցուցարարներն այս պահին գտնվում են Ազգային ժողովի մոտ: Այստեղ մեծ թվով ոստիկաններ կան, ովքեր պատնեշ են կազմել: Փաշինյանը պահանջում է թույլ տալ ԵԼՔ խմբակցության պատգամավորներին գնալ գործի: Երևանի փոխոստիկանապետ Վալերի Օսիպյանը հայտարարեց, որ այդ հարցում որևէ խնդիր չկա, սակայն միայն պատգամավորները կարող են գնալ Ազգային ժողով, ինչին Փաշինյանը բացասական պատասխան տվեց: Ապա Փաշինյանը փորձեց անցնել ոստիկանական պատնեշի վրայով և սկսվեց բախումը: