Յա, իրո՞ք...այսպես Նիկոլ Փաշինյանն արձագանքեց ՀՀ վարչապետ Սերժ Սարգսյանի կոչին, որով վերջինս քիչ առաջ Ազգային ժողովում դիմեց ԵԼՔ խմբակցության պատգամավորներին՝ կոչ անելով Նիկոլ Փաշինյանին ետ կանչել փողոցից:
Ինչ վերաբերում է հետագա գործողություններին, Փաշինյանն ասաց, որ սրանից հետո ժողովրդական հեղափոխությունը պետք է շարունակվի և հասնի հաղթական ավարտի:
Ընդդիմադիր պատգամավորը նաև հայտարարեց, որ ցուցարարների բոլոր գործողությունները տեղավորվել և տեղավորվում են խաղաղ քաղաքացիական անհնազանդության գործընթացի մեջ:
Փաշինյանի խոսքերով, ՀՀԿ-ն և Սերժ Սարգսյանը ժողովրդի շրջանում չունեն աջակցություն և Հայաստանում կառավարելու որևէ հիմք չունեն ու պետք է չանեն դա, իսկ ՀՀ քաղաքացիները պետք է զանգվածային անհնազանդության դիմեն. «Պետական առավարման համակարգը պետք է կաթվածահար լինի: Եթե կառավարությունը չի աշխատում, պետք է լինի հաջորդ փուլը՝ կառավարման այլընտրանքային օղակների ձևավորումը, որը պետության ղեկավարման պատասխանատվոթյունը պետք է վերցնի իր վրա»: