Ցուցարարները Արշակունյաց պողոտայով իջնելիս Նիկոլ Փաշինյանի առաջարկով մտան Սուրմալու տոնավաճառ: Նրանք այստեղ աշխատողներին իրազեկում են այսօր երեկոյան կայանալիք հանրահավաքի մասին:
Փաշինյանը կոչ արեց տոնավաճառի աշխատակիցներին դուրս գալ փողոց և տեր կանգնել իրենց հաղթանակին: Ցուցարարները որոշել են փակել Սուրմալու տոնավաճառի մուտքերը:
Այնուհետև Նիկոլ Փաշինյանը և նրան ուղեկցող ցուցարարներն քայլեցին դեպի Երևանի Գարեգին Նժդեհի հրապարակ: Նրանք մինչ այդ ոստիկանների ուղեկցությամբ, միակողմանի փողոցով անցան պատվանդանը, որոշ ժամանակով փակեցին Արշակունյաց պողոտայով: Այս պահին քայլերթը շարունակվում է: Փաշինյանը հայտարարեց, որ փակելու են Իսակովի պողոտան՝ պահանջելով ազատ արձակել բերման ենթարկվածներին:
Նշենք նաև, որ Վարդենիսի դպրոցներից մեկի աշակերտները միացել են դասադուլին, իսկ Հյուսիս-Հարավ մայրուղու Նոր Կյանք հատվածն էլ այս պահին ցուցարարները փակել են: Հետաքրքիր էր նաև այն, որ Երևան Սիթի սուպերմարկետի աշխատակիցները կանգնած հետևում էին հանրահավաքին:
Փաշինյանը ցուցարարների հետ միասին երկկողմանի փակեցին Իսակովի պողոտան՝ ի նշան բողոքի, որն ուղղված է ոստիկանական գործողությունների դեմ:
Հիշեցնենք, որ այսօր ոստիկանությունը 20 ցուցարարների բերման է ենթարկել ոստիկանական բաժանմունքներ:
Այնուհետև Նիկոլ Փաշինյանը և ցուցարարները Իսակովի պողոտայով քայլերթ իրակացրեցին և մեքենաների միջով առաջ շարժվեցին, Արշակունյաց փակ պողոտան էլ ոստիկաններն ուժով բացեցին:
Ապա, շարունակելով իրենց քայլերթն Իսակովի պողոտայով , հասան Հաղթանակի կամուրջ, այնուհետև՝ Շահումյանի հրապարակ։
Հասնելով Երևանի քաղաքապետարանի մոտ, Նիկոլ Փաշինյանը հայտարարեց, որ կարող են նստել և հանգստանալ, բայց ցուցարարները որոշեցին չնստել Երևանի քաղաքապետարանի մոտ և քայլերթը շարունակեցին հարակից «Կոմայգի», որտեղ էլ նստեցին հանգստանալու:
