ՀՅԴ ներկայացուցիչները առանձին հանդիպումներ են ունեցել ՀՀ վարչապետ Սերժ Սարգսյանի, ՀՀ նախագահ Արմեն Սարգսյանի, «Ելք» խմբակցության պատգամավոր Էդմոն Մարուքյանի հետ։
Այդ մասին հաղորդագրություն է տարածել ՀՅԴ հանրային կապերի գրասենյակը։
«Բանակցային հարթակ ձևավորելու նախաձեռնության շրջանակներում այսօր ՀՅԴ ներկայացուցիչները առանձնաբար հանդիպումներ են ունեցել «Ելք» խմբակցության պատգամավոր Էդմոն Մարուքյանի, ՀՀ վարչապետ Սերժ Սարգսյանի և ՀՀ նախագահ Արմեն Սարգսյանի հետ:
Քննարկվել են ստեղծված իրավիճակից քաղաքական ելք գտնելու, բախումներից զերծ մնալու, ժողովրդային շարժումն արդյունավորելու և երկխոսության ճանապարհով հանգուցալուծման հասնելու հնարավորությունը»,–ասված է հաղորդագրության մեջ:
