Այս պահին ոստիկանության Շենգավիթի բաժանմունքի մոտ իրավիճակը խիստ լարված է: Ցուցարարները գտնվում են այստեղ և պահանջում են ազատ արձակել ԱԺ պատգամավորներին, այստեղ կենտրոնացած են նաև մեծ թվով ոստիկաններ:
ԱԺ ԵԼՔ խմբակցության պատգամավորներ Սասուն Միքայելյանի և Արարատ Միրզոյանի հարազատները հայտնել են, որ վերջիններս գտնվում են հենց այս բաժանմունքում: Ենթադրություններ կան, որ այստեղ է նաև Նիկոլ Փաշինյանը: Իրավիճակն աստիճանաբար ավելի է լարվում այստեղ:
Ավելի վաղ դատախազությունից հայտնել էին ԵԼՔ խմբակցության պատգամավորների ձերբակալության մասին: Նրանց գտնվելու մասին պաշտոնական ինֆորմացիա չկա:
