Այսօր կայացավ Երևանի ավագանու հերթական նիստը, որի ժամանակ Երկիր Ծիրանի ավագանիները ոչ միայն չեն խոսում օրակարգում ընդգրկված թեմաների շուրջ, այլ քաղաքական ամբիոնի էին վերածել ավագանու նիստերի դահլիճը: Նրանք փորձում էին դիվիդենտներ շահել քաղաքական սուր ելույթներ ունենալով, ինչը, սակայն ոչ միայն անտեղի էր, այլ նաև օբյեկտիվ դժգոհություն առաջացրեց: Ինչպես հիշում ենք, մի քանի օր առաջ Հանրապետության հրապարակում տեղի ունեցող հանրահավաքի ժամանակ ԵԾ ղեկավար Զարուհի Փոստանջյանը մոտեցավ բեմին ու փորձեց ելույթ ունենալ, ինչին ի պատասխան լսվեց ժողովրդի «հե-ռա-ցիր» վանկարկումները: Փաստացի իրեն ընդդիմադիր համարող Զարուհի Փոստանջյանին մերժեցին հրապարակում հավաքված մարդիկ:
Այսօր արդեն Զարուհին փորձում է ավագանու նիստերի ժամանակ քաղաքական ելույթներ ունենալ, ինչն առաջացրեց ՀՀԿ-ական ավագանիների արդարացի զայրույթը:
Ավագանու ՀՀԿ-ական անդամ Լևոն Իգիթյանն ասաց, որ հրապարակում նրանց ձայն չեն տալիս, մենք ինչի՞ ենք տալիս էդքան ժամանակ ու միկրոֆոն:
Երևանի քաղաքապետ Տարոն Մարգարյանն ավելի համբերատար գտնվեց և ասաց, որ նրանց լիազորություններն են, նրանք իրավունք ունեն ելույթ ունենալու:
Ավելի ուշ, երբ ՀՀԿ-ական ավագիների նյարդերն արդեն տեղին տվեցին, քանի որ փաստացի ԵԾ-ն ոչ միայն շեղում էր քննարկվող օրակարգային թեմաներից, այլ նաև փորձում էր հերթական անգամ օգտագործել ավագանու նիստը սեփական քաղաքական ամբիցիաները բավարարելու համար, ՀՀԿ-ական ավագիներն ուղղակի սկսեցին չլսել նրանց ելույթները: Քաղաքապետ Տարոն Մարգարյանը դիմեց ԵԾ ղեկավար Զարուհի Փոստանջյանին՝ ասելով, որ համոզված է՝ ներկաներին չեն հետաքրքրում այդ ելույթները:
ՀՀԿ անդամ Լևոն Իգիթյանն էլ պահանջեց, որ միկրոֆոնն անջատեն, սակայն դա հետ չպահեց ԵԾ-ին իրենց քաղաքական ինքնահաստատման հարցում և ԵԾ անդամ Սոնա Աղեկյանը ասաց, որ ելույթի համար հավելյալ ժամանակ է պահանջում, ինչին ի պատասխան քաղաքապետը նշեց. «Եթե այլ հարթակներում Ձեզ թույլ չեն տալիս ելույթ ունենաք, խնդրեմ»:
Ավագանու ՀՀԿ անդամները ծափահարություններով ողջունեցին քաղաքապետի հայտարարությունը:
Փաստացի, ԵԾ-ն՝ Զարուհի Փոստանջյանի գլխավորությամբ, այլևս անընդունելի է բոլորի կողմից՝ ժողովրդի, ընդդիմության, իշխանության, ոչ ոք չի ցանկանում նրանց լսել և հարթակ տրամադրել: Գուցե պետք է խնդրե՞լ Երևանի քաղաքապետ Տարոն Մարգարյանին, որպեսզի Երևանում մի փոքր տեղ հատկացվի Զարուհի Փոտանջյանին և մի ամբիոն տեղադրվի այնտեղ՝ այսպես ասած, Զարուհու անկյուն ստեղծվի: Գուցե այս կերպ հնարավոր կլինի խնայել Երևանի ավագանու նիստերի համար նախատեսված ժամանակը և այնտեղ կքննարկվեն արդեն երևանցիներին հուզող հարցերը, այլ ոչ թե ստիպված կլինենք լսել Զարուհի Փոստանջյանի, այլևս ոչ ոքի չհետաքրքրող, քաղաքական ելույթները: Փոստանջյանն էլ իր քաղաքական ելույթները կսպառի իրեն հատկացված անկյունում:
