Մոսկվա մեկնած ՀՀ կառավարության անդամները ռուսական կողմի հետ քննարկել են Հայաստանում ստեղծված իրավիճակից սահմանադրության շրջանակներում հնարավորինս շուտ դուրս գալու հարցը: Այս մասին հայտարարել է ՌԴ նախագահի խոսնակ Դմիտրի Պեսկովը, փոխանցում է ՏԱՍՍ գործակալությունը:
Պեսկովը հիշեցրել է, որ թեմայի շուրջ հեռախոսազրույց են ունեցել նաև ՌԴ նախագահ Վլադիմիր Պուտինը և ՀՀ վարչապետի պաշտոնակատար Կարեն Կարապետյանը: Ռուսական կողմը դիրքորոշումն այն է, որ հարցը պետք է կարգավորվի սահմանադրության շրջանակներում, բոլոր հետաքրքրված կողմերի կոնսենսուսի արդյունքում:
Պուտինի խոսնակը հավելել է, որ հիմա Կրեմլում հետևում են զարգացումներին ու սպասում են վարչապետի ընտրությանը:
Այլ ինֆորմացիա Պեսկովը չի հայտնել՝ նշելով, որ չունի տեղեկություններ:
