«Արսենալի» և Հայաստանի ազգային հավաքականի կիսապաշտպան Հենրիխ Մխիթարյանն Անգլիայի առաջնության 36-րդ տուրի շրջանակներում «Մանչեսթեր Յունայթեդի» դեմ խաղում կրկին ծնկի վնասվածք է ստացել: Այս մասին հանդիպումից հետո հայտնել է լոնդոնյան գրանդի գլխավոր մարզիչ Արսեն Վենգերը՝ նշելով, որ հենց դրա համար Մխիթարյանը փոխարինվեց հանդիպման 76-րդ րոպեին:
Վնասվածքի լրջության աստիճանը դեռ հայտնի չէ, բուժզննման արդյունքները հայտնի կլինի 48 ժամը հետո:
Հիշեցնենք, որ վորենշյալ խաղում Մխիթարյանը դարձավ իր թիմի միակ գոլի հեղինակը, ինչը չօգնեց զինագործներին խուսափել պարտությունից (2:1):
