«Երեկոյից սկսած, ըստ օդում կախված լուրերի, Սերժ Սարգսյանն ու Ռոբերտ Քոչարյանն անձամբ սկսել են ճնշումներ գործադրել ՀՀ ԱԺ բոլոր խմբակցությունների պատգամավորների վրա՝ սպառնալով չքվեարկել վարչապետի ժողովրդական թեկնածուի օգտին»,-այսօր՝ մայիսի 1-ին, խորհրդարանում վարչապետի ընտրության հարցի քննարկման ժամանակ հայտարարեց վարչապետի միակ թեկնածու Նիկոլ Փաշինյանը:
Փաշինյանի խոսքերով, ՀՀԿ-ն կրկին իշխանության գալու ծրագիր է մշակել՝ օգտագործելով, սպառնալիքներն ու հոգեբանական ճնշումներն ու կոմպրոմատները:
«Պարոնայք դուք չեք հասկանում ՀՀ-ում հաստատված վիճակը: Ուզում եմ շատ ուղիղ զգուշացնել, որ համաժողովրդական շարժման հանդուրժողականությունը որպես թուլություն մեկնաբանելու ձեր փորձերը կարող են բերել անկանխատեսել և անցանկալի հետևանքներ: Սթափվեք, քանի դեռ ուշ չէ: Ես դիմում եմ ՀՀ յուրաքանրչյուր քաղաքացուն՝ սիրելի հայրենակիցներ, ձեր հաղթանակը ուզում են գողանալ, դուրս եկեք փողոց, լցրեք հրապարակներն ու փողոցները: Դիմում եմ նաև Սփյուռքին, ձեր հույսն ու հաղթանակն ուզում են գողանալ դուրս եկեք փողոց: Սա օրհասական պահ է: Մեր ժողովուրդը չի կարող տանուլ տալ իր հաղթանակը»,-ասաց Փաշինյանը՝ դիմելով նաև պատգամաորներին և ասելով, որ սա նաև վերջիններիս ազատման ժամն է:
