Հայաստանի փոխվարչապետ, ԱՊՀ տնտեսական խորհրդի անդամ Արմեն Գևորգյանն այսօր՝ դեկտեմբերի 13-ին, մեկնել է Մոսկվա` մասնակցելու ԱՊՀ տնտեսական խորհրդի 60-րդ նիստի աշխատանքներին:
ՏԿՆ մամուլի ծառայությունից հայտնում են, որ խորհրդի նիստի օրակարգում ընդգրկված է ԱՊՀ մասնակից երկրների տնտեսական փոխգործակցության տարբեր բնագավառներին վերաբերող շուրջ երկու տասնյակ հարց: Մասնավորապես կքննարկվեն գիտատեխնիկական, վիճակագրության, անտառային տնտեսության ոլորտներում համագործակցության հարցեր, կներկայացվեն հաշվետվություններ ԱՊՀ մասնակից պետությունների բազային կազմակերպությունների, ճյուղային համագործակցության մարմինների գործունեության մասին:
