Ծառուկյան խմբակցության 31 պատգամավորից արդեն 27-ը ստորագրել են Նիկոլ Փաշինյանին որպես վարչապետի թեկնածու առաջադրելու դիմումի տակ: Այս մասին Ազգային ժողովում հայտնել է Ծառուկյան խմբակցության պատգամավոր Նաիրա Զոհրաբյանը՝ հավելելով, որ ունեն պատգամավորներ, ովքեր արտերկրում են:
Զոհրաբյանը կարծիք հայտնեց, որ դա բավարար է, քանի որ ստորագրելու են նաև ՀՅԴ-ն և ԵԼՔ-ը:
Նշենք, որ Նիկոլ Փաշինյանին անհրաժեշտ է 35 ստորագրություն:
Ինչ վերաբերում է հարցին, թե վստահ է արդյո՞ք Զոհրաբյանը, որ ՀՀԿ-ն աջակցելու է Փաշինյանին, պատգամավորն ասաց, որ քաղաքականության մեջ մինչև վերջ ինչ-որ բանում վստահ լինել պետք չէ, սակայն ինքը կարծում է, որ ցանկացած քաղաքական ուժ պետք է հարգի իր խոսքը: Պատգամավորը հույս ունի, որ անակնկալներ չեն լինի:
