Շերիլին Սարգիսյան ԼաՊիեր Բոնո Ալլմըն (Cherilyn Sarkissian LaPiere Bono Allman) ամերիկահայ հայտնի փոփ-երգչուհի, երգերի հեղինակ, դերասանուհի, ռեժիսոր և երաժշտական պրոդյուսեր է, որն ամբողջ աշխարհում հայտնի է իբրև «Փոփի Աստուածուհի»:
Շերիլին Սարգիսյանը ծնվել է Կալիֆորնիայի Էլ Սենթրո քաղաքում՝ 1946 թ.-ի մայիս 20-ին: Նրա հայրը՝ Ջոն Փոլ Սարգիսյանը, ամերիկահայ բեռնատարի վարորդ էր, մայրը՝ Ջորջիա Հոլթը, դերասանուհի: Երգչուհու ծնողները բաժանվել են, երբ նա փոքր է եղել: ։ Շերը իր հայրիկին վերջին անգամ տեսել է տասնմեկ տարեկանում: Նա ունի մեկ քույր:
Շերիլին Սարգիսյանը Օսկարի, Գրեմմի, Էմմիի, երեք Ոսկե Գլոբուսի և զանազան ուրիշ մրցանակների դափնեկիր է։ Նա ամերիկյան հիթ շքերթի պատմության մէջ սահմանել է նոր ռեկորդ` դառնալով առաջին երգչուհին, որի երգերը վեց տասնամյակ շարունակ գլխավորել են ամերիկյան հիթ շքերթը:
Շերը Հայաստան է ժամանել 1993 թվականի ապրիլի 28-ին։ Նա իր հետ բերել է 2,5 մլն դոլարի մարդասիրական օգնություն՝ դեղորայք, բժշկական սարքեր և սնունդ։ Երգչուհին այցելել է մանկատներ, մանկական հիվանդանոցներ։ Տեսնելով հիվանդ երեխաներին` Շերը ծանր տպավորությունների պատճառով հրաժարվել է հանդիպել ՀՀ Նախագահի և Ամենայն Հայոց կաթողիկոսի հետ:
