Քիչ առաջ Երևան քաղաքի ընդհանուր իրավասության դատարանը Էրեբունի և Նուբարաշեն վարչական շրջանների նստավայրում դատարանը փոխեց Անդրիաս Ղուկասյանի նկատմամբ խափանման միջոցը՝ կալանքը փոխարինելով բնակության վայրից չբացակայելու պայմանով:
Ազատ արձակվելուց հետո Ղուկասյանը հայտարարեց, որ իր նկատմամբ խափանման միջոցը փոխվում է հանրության ճնշման շնորհիվ: Նա նաև նշեց, որ միանալու է Հայաստանում սկսված շարժմանը, շնորհակալություն հայտնեց բոլորին, ովքեր եղել են իր ընտանիքի և իր կողքին՝ նշելով նաև, որ պատրաստվում է այցելել կալանքի տակ գտնված ժամանակ կորցրած հոր գերեզմանին:
Ղուկասյանը մեղադրվում է Սասնա ծռերին օժանդակելու և զանգվածային անկարգություններ հրահրելու մեջ:
