Ռոզի Արմենը (իսկական անունը՝ Ռոզի Հովհաննիսյան) ծնվել է Ֆրանսիայում՝ մայիսի 1-ին:
Նրա ծնողները՝ Նախիջևանում ծնված Խուրշուդ Հովհաննիսյանը և Անկարայի արվարձաններից մեկում ծնված Նվարդ Ալոզյանը, Մեծ եղեռնից հետո 1920-ական թվականներին գաղթում են Փարիզ ու հետո հանդիպելով` ընտանիք կազմում։ Ռոզիի ծնողները ցանկանում էին, որ իրենց դուստրը բժշկի մասնագիտությունն ընտրեր, սակայն 4-ամյա Ռոզին սկսեց երգել ու սերը դեպի երաժշտությունն ու կատարողական արվեստը՝ հաղթանակեց, և Ռոզի Հովհաննիսյանը (այնուհետեւ Պետրոսյան) վերջնականապես ընտրեց երգի ուղին, կնքելով իրեն Ռոզի Արմեն:
Ամբողջ աշխարհում նա ճանաչված է իբրև ֆրանսիահայ երգչուհի։ Երգում է հայերեն, ֆրանսերեն, իսպաներեն, իտալերեն և գերմաներեն:
Ռոզի Արմենը պարգևատրվել է ՀՀ սփյուռքի նախարարության կողմից «Կոմիտաս» մեդալով: