Աշխարհի ամենահեղինակավոր մրցանակի 9 դափնեկիրները Շվեդիայի թագավոր Կառլ 16-րդ Գուստավի ձեռքից ստացել են դիպլոմ, ոսկե շքանշան և մոտ 1.2 մլն դոլար գումար, գրում է buro247.ru-ն։
Նոբելյան մրցանակների հանձնման հանդիսավոր արարողությունը կայացել է Ստոկհոլմի Համերգասրահում։ Միջոցառմանը ներկա են գտնվել մրցանակակիրների ընտանիքների անդամները, Շվեդիայի քաղաքական էլիտան, մշակութային և գիտական ոլորտի ներկայացուցիչներ։
Սրահն ավանդաբար զարդարված է եղել Սան Ռեմոյից ուղարկված ծաղիկներով, որտեղ իր կյանքի վերջին տարիներն անցկացրել է Ալֆրեդ Նոբելը։
2013թ. Նոբելյան մրցանակի հաղթողները.
Ֆիզիոլոգիա կամ բժշկություն՝ ԱՄՆ-ում աշխատող հետազոտողներ Ջեյմս Ռոթման, Ռենդի Շեքման և Թոմաս Զյուդոֆ,
Ֆիզիկա՝ բրիտանացի հետազոտող Փիթեր Հիգս և բելգիացի Ֆրանսուա Էնգլեր,
Քիմիա՝ ԱՄՆ-ում աշխատող Մարտին Կարպլյուս, Մայքլ Լևիթ և Արի Ուորշել,
Գրականություն՝ կանադացի գրող Ալիս Մունրո,
Շվեդիայի Պետական բանկի մրցանակ՝ ամերիկացի գիտնականներ Յուջին Ֆամա, Լարս Փիթեր Հանսեն և Ռոբերտ Շիլլեր։
Նշենք, որ մրցանակների հանձնման հանդիսավոր արարողություն է կայացել նաև Նորվեգիայում։
