Այն պայմաններում, երբ տղամարդուց ակնկալում են լինել ընտանիքի սնուցողը, սպասելի է, որ տղամարդը կձգտի զբաղեցնել ավելի եկամտաբեր դիրքեր, մանավանդ, որ դա ակնհայտորեն կամ ոչ ակնհայտորեն խրախուսվում է հասարակության կողմից:
Վերջին տասնամյակներում արտադրողական հարաբերություններում տեղի է ունենում ավանդական գենդերային աշխատանքի բաժանման էրոզիա` թուլացնելով գենդերային դերերի երկճյուղավորվածությունն ու բևեռացումը: Կանայք վարպետանում են «տղամարդկանց մասնագիտություններում»` տղամարդկանց հավասարվելով իրենց կրթության մակարդակով և այլն:(www.c-i.am)
Հաստատվում է այն ենթադրությունը, որ տղամարդիկ գերակշռում են այն ոլորտներում, որոնք կապված են ավելի բարձր շահութաբերության և սոցիալական հեղինակության հետ, ինչը նրանցից պահանջում է իրենց գենդերային դերը: Չնայած կանանց ներկայացվածությունը աստիճանաբար մեծանում է՝ մինչ այժմ ոչ մի երկրում չկա հավասարություն բոլոր ոլորտներում, ինչն արդիական է դարձնում համաշխարհային մակարդակով դրան հասնելու հնարավորության հարցը:
Անհրաժեշտ է փաստել, որ հայաստանյան ԶԼՄ-ում լրագրողները նախաձեռնություն չեն ցուցաբերում ղեկավար կանանց կերպարների ձևավորման ուղղությամբ, քանի որ երկրի տնտեսական ոլորտում ԶԼՄ-ների կանայք ներկայացվում են գործազրկության, գյուղատնտեսության, արդյունաբերության ասպարեզներում: Մնացած բնագավառները, որտեղ քիչ թե շատ ներկայացված են կանայք, քաղաքականությունը, շոու-բիզնեսը, մշակույթը և սպորտն են:
Տեսանյութը` CivilNet TV
ANALITIK. am
