Մայիսի 8-ին «Բլից ինֆո» մամուլի ակումբում տեղի ունեցած ասուլիսի ընթացքում Նախախորհրդարանի քարտուղարության համակարգող, Շուշիի առանձնակի գումարտակի հրամանատար Ժիրայր Սեֆիլյանն անդրադարձավ Շուշիի հաղթանակին, Քեսապում ծավալվող իրադարձություններին, ԱՄՆ-ի և Ռուսաստանի դեսպանների` վերջերս կատարած հայտարարություններին, ինչպես նաև գնահատականներ տվեց Հայաստանում տիրող արտաքին ու ներքին իրավիճակին՝ կոչ անելով միանալ Նախախորհրդարանի կազմակերպած, մայիսի 16-ին կայանալիք հանրահավաքին: Հանրահավաքի ընթացքում ներկայացվելու է Նախախորհրդարանի առաջարկած գործողությունների ծրագիրը՝ արմատական փոփոխությունների հասնելու համար: