Այսօր՝ մայիսի 24-ին, Մոսկվայի քաղաքային դատարանը քննարկելու է հոլիվուդյան կինոպրոդյուսեր Ստեփան Մարտիրոսյանին Հայաստանին արտահանձնելու հարցը: Վերջինս անցնում է խարդախության գործով:
Նշենք, որ դատական նիստը պետք է տեղի ունենար մայիսի 21-ին, սակայն հետաձգվեց, քանի որ Մարտիրոսյանի թարգմանիչը չէր ներկայացել նիստին:
Ավելի վաղ՝ ապրիլի 19-ին, Ռուսաստանի Գերագույն դատարանը չեղյալ էր համարել Մարտիրոսյանին արտահանձնելու մասին Մոսկվայի քաղաքային դատարանի որոշումը և գործն ուղարկել էր նոր քննարկման:
Նշենք, որ Մարտիրոսյանն ապրում է ԱՄՆ-ում, նա մասնակցել է այնպիսի հայտնի ֆիլմերի ստեղծմանը, ինչպիսիք են «Փախուստի պլանը»՝ Առնոլդ Շվարցենեգերի և Սիլվեսթեր Ստալոնեի մասնակցությամբ, «Պատրուլ», «Մեղքերի քաղաք» և այլն:
Մարտիրոսյանին մեղադրում են 2011-13 թվականներին խոշոր չափով հապշտակություն կատարելու մեջ: Նա անազատության մեջ է գտնվում 2017 թվականի հոկտեմբերից:
