Ֆրանսիայի նախագահ Էմանուել Մակրոնը հայտարարել է, թե Փարիզն ընդունում է, որ Ռուսաստանը կարևոր դերակատարում ունի մի շարք միջազգային հարցերի կարգավորման գործում, այդ թվում նաև Մերձավոր Արևելքում և պատրաստ է նկատի ունենալ Մոսկվայի հաստատած «կարմիր գիծը»:
«Ես կարծում եմ, որ Ֆրանսիան չի կարող գործել այնպիսի իրավիճակներում, երբ որոշ կարմիր գծեր» հատվել են»,-ասել է Մակրոնը՝ հավելելով, որ ընդունում է ուժեղ առաջնորդի դերակատարումը, որն ունի Ռուսաստանն իր հարևանների շրջանում և մի քանի այլ տարածաշրջաններում, օրինակ՝ Մերձավոր Արևելքում:
Մակրոնը միևնույն ժամանակ նշել է, որ Ռուսաստանը պետք է իր կողմից պահպանի Ֆրանսիայի ինքնիշխանության շահերը:
Նշենք, որ մայիսի 24-ին բանակցություններ են տեղի ունեցել ՌԴ և Ֆրանսիայի նախագահների միջև:
