Ադրբեջանի արտգործնախարար Էլմար Մամեդյարովը հայտարարել էր, որ Ադրբեջան ժամանած Ֆրանսիայի ԱԳ նախարար Ժան-Իվ Լե Դրիանի հետ քննարկել է ղարաբաղյան հակամարտությունը, այս մասին հայտնում է ՌԻԱ Նովոստին:
Մամեդյարովը նշել է, որ սա 1997 թվականից հետո առաջին անգամ է, որ Ֆրանսիայի արտգործնախարարը լինում է Ադրբեջանում՝ հավելելով, որ հանդիպման ժամանակ քննարկվել են նաև հարցեր, որոնք վերաբերում են քաղաքական, տնտեսական, հումանիտար համագործակցությանը:
Վերադառնալով ղարաբաղյան հակամարտության թեմային՝ Մամեդյարովը հույս է հայտնել, որ Ֆրանսիան ակտիվություն կցուցաբերի խնդրի կարգավորման հարցում: