ԱՄՆ-ը քաղաքական և տնտեսական աջակցություն է ցուցաբերել «Հարավային գազային հոսքին»: Այս մասին հայտարարել է Ադրբեջանի նախագահ Իլհամ Ալիևը:
Նշենք, որ այս նախագիծը «Թուրքական հոսքի» մրցակիցն է, որով ռուսական գազն արտահանվելու է Եվրոպա: Վերոնշյալ խողովակաշարով ադրբեջանական գազը, շրջանցելով Ռուսաստանը, Վրաստանի տարածքով հասնելու է Թուրքիա, այնտեղից էլ՝ Եվրոպա: Ավելի վաղ Ռուսաստանում այս նախագիծն անվանել էին հարված Մոսկվային թիկունքից:
Իր հայտարարության մեջ Ալիևը շնորհակալություն է հայտնել ԱՄՆ-ին աջակցության համար՝ հավելելով, որ զգացել են նաև Մեծ Բրիտանիայի և ԵՄ-ի աջակցությունը:
