ԱՄՆ պետքարտուղար Մայք Պոմպեոն Պեկինից պահանջել է պաշտոնապես հայտնել 1989 թվականի հունիսի 4-ին Տյանանմեն հրապարակում ցույցը ցրելու ժամանակ գրանցված զոհերի թիվը: Այս մասին հայտնում է Ինտերֆաքսը:
ԱՄՆ պետքարտուղարության հայտարարության մեջ, որով պահանջվում է նաև հայտնել տուժածների և անհետ կորածների թիվը, 30 տարի առաջ կատարվածը բնութագրվել է որպես ողբերգություն, որը խլել է անմեղ մարդկանց կյանքերը:
1989 թվականին չինական իշխանությունները որոշում կայացրեցին ցրել Տյանանմեն հրապարակի ցուցարարներին, ովքեր իրենց ակցիաները սկսել էին դեռ ապրիլին: Այդ օրերին Պեկինն ամբողջությամբ կաթվածահար վիճակում էր: Ցուցարարները պահանջում էին իշխանությունների հրաժարականը:
Այն ժամանակվա տեղեկություններով, բախման ժամանակ զոհվել է 200 մարդ, այդ թվում ցուցարարներ, զինվորներ, իրավապահ մարմինների ներկայացուցիչներ: Տուժածների թիվը հասել է 7 հազարի:
