Բելգիայի ոստիկանությունը ձերբակալել է 13 մարդ, ովքեր մեղադրվում են թենիսի պայմանավորված խաղեր կազմակերպելու մեջ։
Այս մասին տեղեկացնում է թագավորության դաշնային դատախազության մամուլի ծառայությունը:
«Հարցաքննության համար ձերբակալվել է 13 մարդ: Դատական քննիչը հետագայում որոշում կկայացնի կալանավորելու վերաբերյալ», - նշեցին դատախազությունում:
Հետաքննության համաձայն, 2014 թվականից Բելգիայի և Հայաստանի քաղաքացիներից բաղկացած հանցավոր խումբը կազմակերպել է թենիսի պայմանավորված խաղեր: Խմբի անդամները կաշառել են խաղացողներին, որտեղ չի իրականացվել տեսանկարահանում, օրինակ՝ «Futures» և «Challenger» մրցաշարերում:
Հայտնում են նաև, որ ստացված գումարը արտահանվել է արտերկիր:
Դատախազությունում նշել են նաև, որ Բելգիայի քննիչները համագործակցել են Գերմանիայի, Ֆրանսիայի, Նիդեռլանդների, Բուլղարիայի և Սլովակիայի գործընկերների հետ: