«Ժամանակ» թերթը գրում է. «Սյունիքի մարզպետ դառնալու հավակնություններ ունի Սիսիանի նախկին ԲՀԿ-ական քաղաքապետ Աղասի Հակոբջանյանի փեսան՝ Կարեն Համբարձումյանը: Նման հավակնություններ ուներ նաև «Ծառուկյան» դաշինք խմբակցության անդամ Մերուժան Սիմոնյանը, սակայն վարչապետ Փաշինյանը դեմ էր եղել այդ թեկնածությանը՝ պատճառաբանելով, որ Սիմոնյանը կողմ է քվեարկել Սերժ Սարգսյանի վարչապետ ընտրվելուն: Համբարձումյանն անցյալ տարի առաջադրվել էր Սիսիանի քաղաքապետի թեկնածու, բայց որպես թեկնածու չմասնակցեց ընտրությանը՝ ինքնաբացարկ ներկայացնելով:
Սյունիքի մարզը ևս հանձնվել է ԲՀԿ-ին, և ինչպես բոլոր մարզերում, մարզպետը պետք է լինի մի մարդ, ով կկարողանա պայքարել մարզն իրենց սեփականությունը համարող ֆեոդալական կլանների դեմ: Սյունիքի դեռևս գործող մարզպետ Վահե Հակոբյանն արդեն հայտարարել է, որ չի պատրաստվում թողնել այդ պաշտոնը, ինչից կարելի է հետևություն անել, որ նա պատրաստվում է մարզն անջատել Հայաստանից, ինչի դեպքում է միայն հնարավոր Հայաստանի նոր կառավարության իրավասության դադարեցումը մարզի վրա»:
Մանրամասն՝ թերթի այսօրվա համարում
