Facebook-ի 14 միլիոն օգտատիրոջ անձնական հրապարակումներ դարձել են հանրության սեփականությունը: Այս մասին հայտնում է The Verge-ը՝ հղում անելով ընկերության պաշտոնական ներկայացուցիչներին:
Ընկերությունից հայտնում են, որ տեխնիկական խնդիրների պատճառով օգտատերերի հրապարակումները, որոնք եղել են կոնկրետ մարդկանց համար, դարձել են հասանելի բոլորին: Խափանումը տեղի է ունեցել մայիսի 18-27-ին:
Սոցցանցը կատարվածի մասին հայտնում է բոլոր այն օգտատերերին, ովքեր տուժել են տեխնիկական խափանման պատճառով:
Հիշեցնենք, որ ապրիլի սկզբներին աշխարհի խոշորագույն սոցկայքը խոստովանել էր ավելի քան 90 միլիոն օգտատիրոջ տվյալների արտահոսքի փաստը:
