ՌԴ նախագահ Վլադիմիր Պուտինն Ավստրիայի կանցլեր Սեբաստիան Քուրցին խնդրել է այս ամառ Վիեննայում հանդիպում կազմակերպել ԱՄՆ նախագահ Դոնալդ Թրամփի հետ, պնդում է The Wall Street Journal-ը՝ հղում անելով իր աղբյուրին:
Նշվում է, որ Պուտինը Քուրցին այդ հարցով դիմել է Ավստրիայի մայրաքաղաք կատարած այցի ժամանակ: Քուրցը խոստացել է, որ կխոսի Թրամփի հետ:
The Wall Street Journal-ը նաև գրում է, որ Ավստրիան ԱՄՆ-ին հայտնել է, որ պատրաստ է իր տարածքում կազմակերպել Պուտինի և Թրամփի հանդիպումը:
Սպիտակ տունն արդեն ստացել է առաջարկը և մտածում է հանդիպման մասին: