Գերմանիայի արտաքին գործերի նախարար Հայկո Մաասը Süddeutsche Zeitung-ի հետ զրույցում հայտարարել է, որ Գերմանիան այլևս չի կարող լռել ԱՄՆ-ի հետ ունեցած տարաձայնությունների մասին:
Գերմանացի նախարարի խոսքերով, նախկինում Բեռլինը կարող էր հույսը դնել ԱՄՆ-ի հետ պայմանավորվածությունների վրա, սակայն հիմա իրավիճակ է փոխվել: Տարաձայնությունների մասով հարկ է նշել, որ խոսքը մասնավորապես վերաբերում է կլիմայի հարցերով փարիզյան պայմանագրից ԱՄՆ-ի դուրս գալուն:
Մաասն ամեն դեպքում նշել է, որ Եվրամիությունից դուրս ԱՄՆ-ը շարունակում է մնալ Գերմանիայի ամենամոտ գործընկերը: