«Դա խնդիր է, որը պետք է լուծվի: Մենք արդեն տեսել ենք, որ ընտրությունների ժամանակ բարեգործություն ասվածը չարաշահվում է և օգտագործվում որպես ընտրակաշառքը թաքցնելու ձև: Դրա դեմ պետք է պայքարել»,-այսօր՝ հունիսի 13-ին, խորհրդարանում հայտարարեց ՀՅԴ խմբակցության պատգամավոր Արմեն Ռուստամյանը՝ անդրադառնալով բարեգործության մասին նախագծին, որն առաջիկայում պետք է հայտնվի խորհրդարանում և որի դեմ հանդես են գալիս Ծառուկյան դաշինքի պատգամավորները:
ՀՅԴ-ական պատգամավորի խոսքերով, պետք է անել այնպես, որ բարեգործությունն իսկապես բարեգործություն լինի, որն անում ես որևէ բան չակնկալելով:
Ռուստամյանը նշեց, որ օրենքին դեմ արտահայվողների հիմնավորումներին մանրամասնորեն ծանոթ չէ, սակայն դաշտում խնդիր կա, որը պետք է կարգավորվի:
