Ադրբեջանական կողմն ապրիլ ամսից կուտակումներ է իրականացրել սահմանի ողջ երկայնքով: Այս մասին Ազատության հետ զրույցում հայտարարել է ԱՀ նախագահի աշխատակազմի ղեկավարի տեղակալ Դավիթ Բաբայանը:
Բաբային խոսքերով, Բաքուն սահմանամերձ շրջաններում տեղակայել է ստորաբաժանումներ, որոնց մշտական տեղակայման վայրը գտնվում է երկրի խորքերում, իսկ վերջին մի քանի օրվա ընթացքում ակտիվացել է այդ ստորաբաժանումների տեղաշարժը:
Բաբայանը հավելել է, որ արցախյան կողմը համապատասխան քայլեր է ձեռնարկում հավասարակշռվածությունը պահպանելու, ռազմավարական նախաձեռնողականությունը հայկական կողմի ձեռքում պահելու ուղղությամբ:
