«Ռոսսելխոզնադզորը» հայտարարել է, որ անճշտություն է թույլ տվել Հայաստանից Ռուսաստան կենդանիների ներկրման արգելքի մասին նախորդ հայտարարությունում, որում նշված արգելքը վերաբերում էր բոլոր տեսակի ողջ կենդանիներին:
Ճշտված հայտարարության մեջ ասվում է, որ արգելվում է միայն պրիմատների դասին պատկանող կենդանիների ներկրումը: Նշված է նաև, որ նախորդ հայտարարությունը պետք է համարել անվավեր:
Հիշեցնենք, որ ավելի վաղ «Ռոսսելխոզնադզորը» հայտարարել էր Հայաստանից կենդանիների ներկրման ժամանակավոր սահմանափակումների մասին՝ առանձնապես վտանգավոր հիվանդություններից պաշտպանվելու նպատակով: Ռուսաստանի գերատեսչությունը հայտնում էր, որ մասնավորապես, արգելքը վերաբերում Է ողջ կենդանիների, թռչունների, սողունների, երկկենցաղների եւ հիդրոբիոնտների (ջրակենցաղների) բոլոր տեսակներին:
