Էջմիածնում քաղաքապետի հրաժարականը պահանջողները չեն պատրաստվում դադարեցնել բողոքի ակցիաները: Այս մասին լրագրողների հետ զրույցում նշել են «Մերժի՛ր Կարենին» նախաձեռնության անդամները:
Բողոքի ակցիա իրականացնողները հորդորում են իրենց պայքարը Արթուր Ասատրյանի հետ չկապել, իրենց խոսքով՝ ակցիաներն ինքնաբուխ են:
Այս պահին Էջմիածնում մի շարք փողոցներ փակ են:
Հիշեցնենք, որ Էջմիածնում նստացույց էին իրականացնում նաև քաղաքապետ Կարեն Գրիգորյանի կողմնակիցները, սակայն Արմավիրի մարզպետի հետ հանդիպումից հետո Կարեն Գրիգորյանն ասաց, որ իր կողմնակիցները կդադարեցնեն բողոքի ակցիաները: