Մոսկվայում անհայտ անձինք թալանել են ֆուտբոլի աշխարհի առաջնության համար Ռուսաստան ժամանած կոլումբիացի հայտնի երգիչ Maluma-ին: Այս մասին հայտնում է Ինտերֆաքս գործակալությունը՝ հավելելով, որ վնասի չափը հասնում է 50 միլիոն ռուբլու:
ՌԴ իրավապահները հայտնում են, որ դեպքով քրեական գործ է հարուցվել:
Նախնական տեղեկություններով, հանցագործներն օգտագործել են երգչի հյուրանոցային համարի բանալիների կրկնօրինակը, որպեսզի մուտք գործեն նրա սենյակ:
Երգիչն արդեն հարցաքննվել է:
