Ռուս ոսկերիչ Վլադիմիր Մարկինը ներկայացրել է յուրահատուկ դիզայնով մատանի, որի միջոցով հնարավոր է նշել ամուսնության յուրաքանչյուր տարեդարձ։
Ինչպես նշում է LuxPlanet-ը, «Գալար» կոչվող մատանին իրենից ներկայացնում է վարդագույն ոսկուց պատրաստված գալարաձև խողովակ, որը 2 կողմից փակ է։
Մատանու հետ տրվում է նաև սիլիցիումի նիտրիդից պատրաստված գնդիկներով շիշ։ Գնդիկներից յուրաքանչյուրը խորհրդանշում է ամուսնության յուրաքանչյուր տարին։
Յուրաքանչյուր տարեդարձի կապակցությամբ մատանու տերը նոր գնդիկ է ավելացնում դրա մեջ։ Հետաքրքրական է, որ այս գնդիկները ստացվում են 1.500-1.700 աստիճան տաքության պայմաններում այրման շնորհիվ՝ խորհրդանշելով այն բոլոր դժվարություններն ու ջերմ զգացողությունները, որոնք առկա են զույգի կյանքում։
