ԱՄՆ նախագահ Դոնալդ Թրամփը պատրաստ է հանդիպել ՌԴ նախագահ Վլադիմիր Պուտինի հետ հուլիս ամսին Եվրոպայում: Այս մասին հայտնում է Bloomberg-ը՝ հղում տալով ամերիկյան լիդերի ադմինիստրացիայում իր ունեցած աղբյուրին:
Նշվում է, որ հանդիպումը կարող է տեղի ունենալ կամ ՆԱՏՕ-յի գագաթնաժողովի ժամանակ, կամ հուլիսի 13-ին Մեծ Բրիտանիա՝ Թրամփի այցի ընթացքում:
Սպիտակ տունը չի մեկնաբանել այս տեղեկությունը: Կրեմլում բացառել են հանդիպման կայացումը մինչև Հյուսիսատլանտյան ալյանսի սամմիթի կայացումը:
Նշենք, որ հունիսի 9-ին մամուլում հրապարակումներ եղան այն մասին, որ հանդիպումը կայանալու է Վիեննայում: Պուտինը դիմել էր Ավտրիայի կանցլեր Սեբաստիան Կուրցին՝ ամերիկյան նախագահի հետ բանակցությունները կազմակերպելու խնդրանքով:
Հիշեցնենք, որ առաջին անգամ Պուտինն ու Թրամփը հանդիպել են G-20 -ի սամմիթի ժամանակ՝ 2017-ին Համբուրգում: