Հունիսի 21-ին, ժամը 13.40-ին, ոստիկանության Արմավիրի բաժնի ծառայողները, գողություն կատարելու կասկածանքով, Սարդարապատ գյուղից բերման են ենթարկել 1986 թ. ծնված Արմեն Մ.-ին՝ իր վարած «ՎԱԶ-2121» մակնիշի ավտոմեքենայով, իսկ Նորապատ գյուղից՝ 1993 թ. ծնված Արթուր Մ.-ին: Այս մասին տեղեկանում ենք ՀՀ Ոստիկանության պաշտոնական կայքէջից։
Պարզվել է, որ նրանք 1992 թ. ծնված Հովհաննես Ա.-ի հետ հունիսի 15-ին, ժամը 3.30-ի սահմաններում, նշված ավտոմեքենայով գողացել են Նորապատ գյուղի 5-րդ փողոցում տեղադրված վճարային տերմինալը:
Ձեռնարկված միջոցառումներով պարզվել է, որ տերմինալի սեփականատերը 1972 թ. ծնված Կարեն Մ.-ն է:
Վնասի չափը պարզվում է:
Արմեն Մ.-ն, Արթուր Մ.-ն, Հովհաննես Ա.-ն տվել են բացատրություններ:
Կատարվում է քննություն:
***
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
