Հունիսի 21-ին, ժամը 20:11-ին «911» ծառայությանն ահազանգ է ստացվել, որ Արմավիրի մարզի Փարաքար գյուղում՝ Զվարթնոց օդանավակայանի խաչմերուկի մոտակայքում, գովազդային վահանակը թուլացել և կախվել է, առկա է ընկնելու վտանգ. անհրաժեշտ է փրկարարների օգնությունը:
Դեպքի վայր է մեկնել ՀՀ ԱԻՆ ՓԾ հրշեջ-փրկարարական ջոկատից մեկ մարտական հաշվարկ:
Պարզվել է, որ թուլացել և կախվել է գովազդային վահանակի լուսավորման լամպը:
Փրկարարներն ապամոնտաժել են լուսավորման լամպը: