Երևանում մեկնարկած Սանկտ Պետերբուրգի օրերի շրջանակում ՌԴ հյուսիսային մայրաքաղաքից ժամանած կրթական ոլորտի մասնագետներն այցելել են Երևանի քաղաքապետարանի ենթակայության Ալ. Չեխովի անվան հ. 55 հիմնական դպրոց: Երևանի քաղաքապետարանի աշխատակազմի հանրակրթության վարչության պետ Աննա Ստեփանյանը ողջունել է հյուրերին և նշել, որ Երևանի և Սանկտ Պետերբուրգի միջև կրթական ոլորտում համագործակցության համատեքստում արդեն կյանքի են կոչվել ու նախանշվել մի շարք ծրագրեր: Սանկտ Պետերբուրգի կառավարության կրթության կոմիտեի ղեկավարի տեղակալ Անդրեյ Բորշչևսկին իր հերթին նշել է, որ Երևանի և Սանկտ Պետերբուրգի ոլորտային համագործակցությունից թերևս ամենաարդյունավետներից է կրթական բնագավառը:
Հանդիպման շրջանակում համագործակցության համաձայնագրեր են ստորագրվել Ալ. Չեխովի անվան հ. 55 հիմնական դպրոցի և Սանկտ Պետերբուրգի Ադմիրալտեյսկի շրջանի հ. 232 դպրոցի, Սանկտ Պետերբուրգի Կալինինյան շրջանի բժշկա-սոցիալական կենտրոնի և Երևանի հ. 6 հատուկ օժանդակ դպրոցի միջև:
Ալ. Չեխովի անվան հ. 55 հիմնական դպրոցում կայացել են նաև Սանկտ Պետերբուրգի հ. 619 և հ. 235 դպրոցների տնօրենների վարպետության դասերը և շնորհանդես՝ նվիրված Սանկտ Պետերբուրգում ամառային առողջարարական գործընթացի կազմակերպմանը: Միջոցառումներին մասնակցել են նաև Երևանի քաղաքապետարանի ենթակայության դպրոցների տնօրեններ:
Երևանի քաղաքապետարանի տեղեկատվության և հասարակայնության հետ կապերի վարչություն
