Այսօր՝ հուլիսի 4-ին, տեղի կունենա կառավարության հերթական նիստը: Նիստի օրակարգում ընդգրկված հարցերից մեկն էլ վերաբերում է Ազգային ժողովի արտահերթ նստաշրջան գումարելուն:
Կառավարությունն առաջարկում է ԱԺ արտահերթ նստաշրջան գումարել հուլիսի 11-ին Ժամը 11:00-ին: Օրակարգը հետևյալն է.
«Մի շարք վարչական իրավախախտումների համար կիրառված տուգանքների համաներման մասին»
(նախագիծ)
(երկրորդ ընթերցում)
«Քաղաքացիական դատավարության օրենսգրքում լրացումներ և փոփոխություններ կատարելու մասին»
(նախագիծ)
(երկրորդ ընթերցում)
«Ազդարարման համակարգի մասին» օրենքում փոփոխություններ կատարելու մասին»
(նախագիծ)
(երկրորդ ընթերցում)
4) «Զինվորական ծառայության և զինծառայողի կարգավիճակի մասին» Հայաստանի Հանրապետության օրենքում լրացումներ կատարելու մասին»
(նախագիծ)
(երկրորդ ընթերցում)
5) «Հայաստանի Հանրապետության կառավարության և Եվրոպական հանձնաժողովի միջև՝ մշակութային և ստեղծագործ ոլորտների համար Միության «Ստեղծագործ Եվրոպա» ծրագրին Հայաստանի Հանրապետության մասնակցության վերաբերյալ» փոխըմբռնման հուշագիրը վավերացնելու մասին»:
- Հայաստանի Հանրապետության Ազգային ժողովի արտահերթ նստաշրջանի նախաձեռնողի ներկայացուցիչ է նշանակվել Ամալյա Ենգոյանը:
- Հայաստանի Հանրապետության Ազգային ժողով ներկայացնել՝
1) «2018 թվականի հուլիսի 11-ին գումարված Հայաստանի Հանրապետության Ազգային ժողովի արտահերթ նստաշրջանի անցկացման մասին» Հայաստանի Հանրապետության Ազգային ժողովի որոշման նախագիծը.
2) «2018 թվականի հուլիսի 11-ին գումարված Հայաստանի Հանրապետության Ազգային ժողովի արտահերթ նստաշրջանի օրակարգային հարցերի քննարկման հատուկ ընթացակարգի մասին» Հայաստանի Հանրապետության Ազգային ժողովի որոշման նախագիծը:
Ավելի վաղ վարչապետ Նիկոլ Փաշինյանն արդեն հայտնել էր, որ ԱԺ խոսնակ Արա Բաբլոյանի հետ պայմանավորվածություն ունի՝ հավելելով, թե հնարավոր է, որ մինչև հուլիսի 15-ն ԱԺ արտահերթ նստաշրջան գումարվի:
