Այսօր՝ հուլիսի 4-ին, կառավարության նիստից առաջ ՀՀ ԱԱԾ տնօրեն Արթուր Վանեցյանը կրկին հերքեց այն տեղեկությունները, թե Երևանի քաղաքապետ Տարոն Մարգարյանի տանը խուզարկություն է կատարվել՝ հայտարարելով նաև, որ վերջինս հարցաքննության չի կանչվել:
Ինչ վերաբերում է այն հարցին, թե որտեղ է գտնվում Մարգարյանը, Վանեցյանն ասաց, որ վերջինս Հայաստանում է, իսկ թե կնոկրետ որտեղ՝ չգիտի:
Վանեցյանը խոսեց նաև այն մասին, թե ինչպես է ստացվել, որ ՀՀ ՊՆ նախկին նախարար Միքայել Հարությունյանը, ով Մարտի 1-ի գործով ներգրավվել է որպես մեղադրյալ, լքել է Հայաստանը: ԱԱԾ տնօրենն ասաց, որ նախկին նախարարը Հայաստանից հեռացել է դեռ այն ժամանակ, երբ նրա նկատմամբ քրեական հետապնդում սկսված չի եղել:
