Ազգային անվտանգության ծառայութունն այս պահին շարունակում է հատուկ գործողություններ իրականացնել ՀՀ 3-րդ նախագահ Սերժ Սարգսյանի եղբոր՝ Սաշիկ Սարգսյանի տանը:
Այստեղ արդեն մոտ 2 ժամ է գտնվում են ծառայության մեծ թվով աշխատակիցներ: Աշխատակիցները հերթապահում են նաև տան վերելակի մոտ, որի դռները քիչ առաջ բացվեցին և երևաց, ոսկեգույն ապակիներով շքեղ վերելակը, որի վրա մակագրված էր Սաշիկ Սարգսյանի որդիներից Նարեկի անունն ու ազգանունը:
Ականատեսները պնդում են նաև, որ նախկին նախագահի եղբոր տնից ինչ-որ ավտոմեքենա են դուրս բերել:
ԱԱԾ-ն դեռ պաշտոնապես որևէ տեղեկություն չի հայտնել:
