Հունիսի 11-ին Ալմաթայում տեղի ունեցած ՀԱՊԿ անդամ երկրների ԱԳ նախարարների խորհրդի նիստի ժամանակ Հայաստանի արտաքին գործերի նախարար Զոհրաբ Մնացականյանն իր գործընկերներին և ՀԱՊԿ գլխավոր քարտուղարին տեղեկացրել է Նախիջևանի կողմից Հայաստանի Հանրապետության հետ սահմանի երկայնքով Ադրբեջանի Զինված ուժերի ստորաբաժանումների վերատեղակայման, դրանց առաջխաղացման և ինժեներական աշխատանքներ իրականացնելու մասին:
ՀԱՊԿ քարտուղարությունում անհանգստությամբ են հետևում իրադարձության զարգացման դինամիկայի մասին ստացվող ինֆորմացիային: Չպետք է լինի իրավիճակի նոր էսկալացիա:
Կարևորում եմ այն միջոցների ձեռնարկումը, որոնք ուղղված են մթնոլորտի ձևավորմանը, որը կնպաստի հարցի խաղի կարգավորմանը: ՀԱՊԿ քարտուղարությունում վստահ են, որ ղարաբաղյան հակամարտությունը պետք է կարգավորվի բացառապես խաղաղ ճանապարհով, ԵԱՀԿ Մինսկի խմբի միջնորդությամբ, որը միակն է, որ ունի միջազգային հանրության համապատասխան մանդատը, ինչի մասին ասված է ՀԱՊԿ անդամ երկրների ղեկավարների 2017 թվականի հայտարարության մեջ:
ՀԱՊԿ գլխավոր քարտուղար Յուրի Խաչատուրով
