Analitik.am-ի հետ կապ հաստատեց տարկետում տրամադրող հանձնաժողովի աշխատանքներից դժգոհող և բողոքի ակցիա կազմակերպած ուսանողների նախաձեռնող խմբի անդամներից մեկը և հայտնեց, որ այսօր ուսանողները հանդիպում են ունեցել վարչապետի օգնական Նաիրի Սարգսյանի հետ, ում խոսքով վարչապետ Նիկոլ Փաշինյանն ընդհանրապես տեղյակ չի եղել առկա թերություններից։
Ըստ ակտիվիստի, վարչապետի օգնականն ընդունել է ուսանողների դիտարկումները, ասել է, որ չի կարելի նման մոտեցում դրսևորել։ Ակտիվիստը նաև նշեց, որ Նաիրի Սարգսյանն անձամբ հանդիպել է վարչապետ Նիկոլ Փաշինյանի հետ, ով հանձնարարել է, որ հարցը փոխանցեն վերահսկողական ծառայություն: Ակտիվիստներից մեզ ասացին, որ հիմա հարցն արդեն հասել է վերահսկողական ծառայության պետին՝ Դավիթ Սանասարյանին, ում հետ վաղը հանդիպում է նշանակված: Այս հարցով արդեն կզբաղվի Դավիթ Սանասարյանը:
Ավելի վաղ հայտնել էինք, որ հունիսի 9-ին ուսանողները բողոքի ակցիա էին իրականացնում ՀՀ կառավարության շենքի դիմաց։
