Ադրբեջանում իրավապահները պնդում են, որ Գյանջա քաղաքի ակտիվիստները կապեր ունեն ծայրահեղական խմբավորումների հետ, որոնք համագործակցում են Հայաստանի հատուկ ծառայությունների հետ: Այս մասին հայտնում է Ինտերֆաքս գործակալությունը:
Երկրի արևմտյան հատվածում տեղի ունեցած անկարգությունների մասով Ադրբեջանի Դատախազության, ՆԳՆ-ի և Անվտանգության ծառայությունների համատեղ հայտարարության մեջ նշվում է, որ ձերբակալվել է 11 մարդ, մեկը ոչնչացվել է: Նշվում է նաև, որ բոլորի ինքնությունը հայտնի է և հիմքեր կան կասկածելու, որ նրանք համագործակցել են ծայրահեղական կազմակերպությունների հետ, որոնք կապեր ունեն Հայաստանի հատուկ ծառայությունների հետ:
Հիշեցնենք, որ Ադրբեջանում անկարգությունների ժամանակ օրեր առաջ ոստիկանության երկու գնդապետ սպանվեց:
