ՀՀ առողջապահության նախարար Արսեն Թորոսյանը երեկ աշխատանքային այցով գտնվում էր Արարատի մարզում։ Այցի շրջանակներում նախարարը շրջել է մարզի բժշկական հաստատություններում:
Առաջին հանդիպումը Մասիսի բժշկական կենտրոնում էր, ապա՝ Վեդու ծննդատանը, Վեդու և Արարատի բժշկական կենտրոններում։ Նախարարը շրջել է նաև Արտաշատի գլխավոր բժշկական հաստատության հին և նոր մասնաշենքերում:
Արսեն Թորոսյանը ծանոթացել է մարզի բժշկական հաստատություններում առկա խնդիրներին, քննարկել դրանց լուծման ուղղությամբ իրականացվող աշխատանքների կազմակերպման ընթացիկ հարցերը:
Ընդհանուր առմամբ, մարզի բժշկական հաստատություները կարիք ունենան գույքի համալրման, սարքավորումների արդիականացման ու մասնաշենքերի հիմնանորոգման:
Աշխատանքային այցն ամփոփվել է Արարատի մարզպետարանում՝ մարզի բժշկական հաստատությունների ղեկավարների մասնակցությամբ կայացած խորհրդակցությամբ: