Ռուսաստանի և ԱՄՆ նախագահներ Վլադիմիր Պուտինն ու Դոնալդ Թրամփը հարգում են իրար: Նման հայտարարությամբ հանդես է եկել ՌԴ Նախագահի խոսնակ Դմիտրի Պեսկովը:
Պեսկովը նաև հույս է հայտնել, որ այսօր՝ հուլիսի 16-ին կայանալիք հանդիպման ժամանակ արդյունավետ բանակցություններ տեղի կունենա երկու երկրների ղեկավարների միջև:
Ավելի վաղ հայտնել էինք, որ Պուտին-Թրամփ հանդիպումը տեղի է ունենալու հուլիսի 16-ին Հելսինկիում: ԱՄՆ նախագահն արդեն ժամանել է Ֆինլանդիայի մայրաքաղաք:
