Ֆինլանդիայի մայրաքաղաք Հելսինկիում մեկնարկել է ԱՄՆ և ՌԴ նախագահներ Դոնալդ Թրամփի և Վլադիմիր Պուտինի հանդիպումը: Հանդիպումը մեկնարկել է մոտ 50 րոպե ուշացումով, քանի որ ՌԴ նախագահն ուշացել է:
Պուտինի հետ հանդիպման մեկնարկին Թրամփը շնորհավորել է վերջինիս ֆուտբոլի աշխարհի առաջնությունը հաջող կերպով անցկացնելու համար: Պուտինն իր հերթին նշել է, որ ժամանակն է եկել, որպեսզի երկու երկրների ղեկավարները խոսեն առարկայական:
Ենթադրվում է, որ նախագահները խոսելու են ԱՄՆ նախագահական ընտրություններին ՌԴ ենթադրյալ միջամտության, Ուկրաինայի հարցի, ինչպես նաև Սիրիայի մասին:
