Արդեն հայտնել ենք այն մասին, որ այսօր՝ հուլիսի 16-ին, Երևանի Արշակունյաց պողոտայում փլուզում է տեղի ունեցել ՀՀ արդարադատության նախարարության «ՀՀ փորձագիտական կենտրոն» ՊՈԱԿ-ի շենքում:
Ինչպես Analitik.am-ին հայտնում են ԱՆ-ից, փլուզման արդյունքում մահացել է Արդարադատության նախարարության Փորձագիտական կենտրոնի Հրդեհատեխնիկական և էլեկտրատեխնիկական փորձաքննությունների բաժնի պետ Արայիկ Կարապետյանը: Նա 50 տարեկան էր:
Նախարարությունից մեզ նաև հայտնեցին, որ փլուզվել է ՊՈԱԿ-ի ճակատային հատվածի քիվը, փլուզման պահին աշխատակիցներն անցնելիս են եղել շենքի տակով:
Պատահարի արդյունքում կա երկու վիրավոր, որոնցից մեկը դուրս է գրվել, մյուսը գտնվում է վերակենդանացման բաժանմունքում:
