Աշխարհի ամենահարուստ մարդը՝ Amazon ընկերության հիմնադիր Ջեֆ Բեզոսը շարունակում է ավելի ու ավելի հարստանալ: Այս մասին հայտնում է Bloomberg-ը: Միայն 2018 թվականի ընթացքում Բեզոսի կարողությունն ավելացել է 52 միլիարդ դոլարով և հասել է 150 միլիարդի:
Այսպիսով գործարարը դարձել է Forbes-ի հրապարակումների ընթացքում պատմության ամենահարուստ մարդը: Նախորդ ռեկորդը պատկանում էր Բիլ Գեյթսին, ում կարողությունը 1999 թվականին հասել էր 100 միլիարդ դոլարի:
