Հասարակություն 

Յուրի Խաչատուրովը, որպես կարիքավոր սպա, բնակարաններ է ստացել. ՀԺ

«Հայկական ժամանակ» թերթը գրում է. «Մարտի 1-ի գործով Հատուկ քննչական ծառայություն (ՀՔԾ) հարցաքննության կանչված, ՀԱՊԿ գլխավոր քարտուղար Յուրի Խաչատուրովը 1998-1999 թվականներին Պաշտպանության նախարարությունից բնակարան է ստացել՝ որպես կարիքավոր սպա:

Ինչպես օրերս տեղեկացրել էինք՝ Խաչատուրովը մի քանի տարի բնակվել է Ազատության պողոտայի՝ ՊՆ-ին պատկանող բազմաբնակարան շենքերից մեկում՝ «գեներալների շենքում», որտեղ ունեցել է երկու բնակարան, դրանք սեփականացրել և վաճառել է:

ՊՆ-ն սպաներին հիմնականում հատկացնում է մեկ բնակարան, որոնք լինում են 1-3 սենյականոց, և հազվադեպ է լինում, որ սպային տրամադրում են 2 բնակարան՝ 1 և 3 սենյակներ ունեցող, իրար հարևանությամբ, եթե սպայի ընտանիքը բազմամարդ է:

ՊՆ մամուլի խոսնակ Արծրուն Հովհաննիսյանից տեղեկացանք, որ 1990-ական թվականների վերջին պաշտպանության նախարարությունն այդ շենքի բնակարաններն ըստ ընթացակարգի հատկացրել է կարիքավոր համարվող սպաներին: Այդ սպաների ցուցակում է եղել նաև Յուրի Խաչատուրովը:

Բնակարան ստանալու հայտ ներկայացրածների ցուցակում առաջնահերթությունը տրվում է կամ բազմամարդ ընտանիք ունեցող սպաներին, կամ այն սպաներին, ովքեր կոչումով ավելի բարձր են:

Խաչատուրովն ուղղակի սեփականացրել և վաճառել է իրեն հատկացրած բնակարանը և տեղափոխվել Ջրվեժում գտնվող իր շքեղ առանձնատուն:

«Հայկական ժամանակ»-ն ավելի վաղ գրել էր նաև, որ ՊՆ ԳՇ պետի նախկին տեղակալ, այժմ ՀԱՊԿ միացյալ շտաբի պետի տեղակալ՝ գեներալ-լեյտենանտ Հայկազ Բաղմանյանը ևս առաջիններից է եղել, որը կարիքավոր համարվողների ցուցակով բնակարան է ստացել ՊՆ-ից»:

Մանրամասն՝ թերթի այսօրվա համարում

 

  • 198
  •  
  •  
  •  
  •  
  • 1
  • 2
  •  
  •  
    201
    Shares

Related Articles