Ռուսաստանը համաչափ պատասխան է տալու ագրեսիվ քայլերին, որոնք ուղիղ սպառնալիք են երկրի համար: Այս մասին հայտարարել է ՌԴ նախագահ Վլադիմիր Պուտինը:
Պուտինի խոսքերով, Ուկրաինային և Վրաստանին ՆԱՏՕ-ի կազմում ընդգրկել ցանկացողները պետք է մտածեն լուրջ հետևանքների մասին:
«Մեր գործընկերները, ովքեր ձգտում են լարվածության, ձգտում են Ուկրաինան և Վրաստանն ընդգրկել ՆԱՏՕ-ի կազմում, պետք է մտածեն հնարավոր հետևանքների մասին»,-հայտարարել է Պուտինը:
ՌԴ նախագահի խոսքերով, Եվրոպայում անվտանգության և կայունության բանալին համագործակցության և վստահության վերականգնման մեջ է, իսկ ահա Ռուսաստանի սահմաններին ՆԱՏՕ-ի բազաների հայտնվելը չի նպաստելու այդ կայունության հաստատմանը:
